Буряад аман зохёол

#оньhон #оршуулга #hургаал #заабари
Буряад арадай аман зохёол гүнзэгырүүлэн шудалха талаар, мүн оюутадай, бэшэшье буряадайнгаа аман зохёолоор һонирходог хүнүүдтэ туһаламжа болон дурадхагдана.
Арадай аман зохёол гү, али фольклор (англ. folk – lore) хадаа анхан эртэ урда сагһаа аман үгөөр дэлгэрһэн зохёол юм.
Буряад аман зохёол хадаа анхан урда сагһаа буряад арадай дунда аман үгөөр дэлгэрһэн зохёол болоно.
Арадай аман зохёол хадаа эртэ урда сагһаа, үзэг бэшэгэй бии болоогүй үеһөө эхилэн хүгжэжэ ерэһэн байна. Үзэг бэшэгэй бии болоһон сагһаа эхилэн, аман зохёолой хажуугаар бэшэмэл зохёолнуудые найруулан зохёодог болоһон юм. Тиигэжэ зохёолнууд хоёр янза болоһон түүхэтэй.
а) Аман зохёолнууд гү, али аман үгөөр арадай дунда дэлгэрһэн зохёолнууд;
б) Уран зохёолнууд гү, али бэшэгээр арадай дунда дэлгэрһэн зохёолнууд.
Аман болон уран зохёолнууд удхаараа, түхэлөөрөө, үгүүлбэреэрээ, үүргээрээ г.м. адли байхынгаа хажуугаар, баһа онсо илгаатай юм.

13.02.2014